Usa ka kusog nga 6.8-magnitude nga linog ang miigo sa Dingri County sa siyudad sa Xigaze, nga nahimutang sa Xizang Autonomous Region, alas 9:05 sa buntag, Beijing Time adlaw nga Martes.
Ang linog miresulta sa 53 ka kompirmadong nangamatay ug 62 ka pagkaangol, sumala sa regional disaster relief headquarters.
Agig tubag, gi-activate sa China Earthquake Administration ang level II nga emergency service response ug nagpadala ug team sa apektadong lugar aron mutabang sa relief operations.
Ang Xizang Autonomous Region nagpagawas usab og level II nga emergency response. Sa usa ka paspas nga paningkamot sa pagtabang, ang central authorities nagpadala ug gibana-bana nga 22,000 nga mga butang para sa disaster relief operations lakip ang cotton tent, coat, quilt, ug folding bed.
Ang mga espesyal nga materyales alang sa taas nga altitude ug bugnaw nga mga kondisyon ang lakip usab sa gihatag.
Kapin sa 1,500 ka mga lokal nga bombero ug rescue personnel ang gipakatag aron sa pagtabang sa nagpadayon nga mga recovery efforts.
