GENERAL SANTOS CITY – Mukabat sa 52 ka bag-ong kaso sa COVID 19 ang natala sa Region 12.
Kini base sa labing ulahing report sa DOH – Center for Health Development Soccsksargen Region kagabii.
Nasuta nga 37 ang nakarekober og duha ang nadugang sa mga namatay nga pulos taga GenSan.
Ang namatay ang usa ka , 74 years old nga lalake nga ang hinungdan sa iyang kamatayon mao ang acute respiratory failure; chronic obstructive pulmonary disease in acute exacerbation, pneumonia severe.
Ang laing namatay ang 67 yanyos nga babaye gumikan sa pneumonia with severe hypoxia; sepsis with multi-organ failure, acute kidney injury, acute Coronary Syndrome (Non-ST Elevation myocardial infraction; acute cerebral infarction, type II diabetes mellitus insulin requiring with multiple complications, anemia-multifactorial; metabolic acidosis and electrolyte imbalance.
Ang GenSan ang may 943 nga kaso sa COVID 19 samtang 37 ang patay.
Ang South Cotabato may 840 ang kaso og 16 ang patay, Cotabato City 751, samtang 26 ang patay.
Ang Sarangani 320 ang natala nga kaso sa COVID 19 og 10 ang patay.
Ang North Cotabato adunay 260 ka COVID cases og 10 ang patay samtang ang Sultan Kudarat 190 ang kaso sa COVID 19 og walo ang patay.
Sa katibuk-an mukabat na sa 304 ang kaso sa COVID 19 sa tibook Region 12, samtang 672 ang active cases, 107 ang patay og 2,524 ang nakarekober.
