GENERAL SANTOS CITY – Hugot nga nanghimakak ang nanlugos og usa ka kulang-kulang sa Brgy Bula ning dakbayan human nga gipasakaan kini sa kapulisan ug kasong lugos.
Kahinumduman nga giila ang suspek ang giila nga si Temis Toklis Limado Losano, 52 anyos nga residente sa maong lugar.
Gibutyag sa suspek nga wala manghilabot sa 12 anyos nga batang babaye bisan nga giangkon nga gaapas sa iyaha ang biktima sa kakayuhan samtang nangahoy.
Gibutyag usab sa suspek nga ginahatagan niini og kuwarta ang bata apan wala hugot nga gipanghimakak nga gilugos ang nasampit.
Sa iyang pahayag, dili mahimo ang pag-amung-among sa bata tungod operado kini human nga nakaangkon og colon cancer hinungdan maglisod sa paglihok-lihok og apektado matud pa ang kinatawo.
Apan nangusog ang mga kabanay sa menor de edad nga ipadayon ang pagpasaka og kaso tungod may lig-on silang ebidensiya human nga nakakuha ug video ang uyuan sa bata sa pag-amung-among matud pa sa suspek.
Kahibaluan nga naaresto ang suspek niadtong Agosto 7 human nga nagsumbong ang biktima sa pamilya kalabot sa gihimo kaniya sa suspek.
