Simpleng programa gihimo sa LGU-GenSan isip pakighiusa sa pagsaulog sa 12oth Independence Day
GENERAL SANTOS CITY – Sayo pang gisugdan sa mga opisyal sa lokal nga panggamhanan ning siyudad kaganihang kaadlawon ang simpleng programa alayon sa pagsaulog sa ika-120 ka tuig nga Araw ng Kalayaan sa nasud.
Nagkatigum sila atubangan sa City Hall, kauban ang tanang mga empleyado sa gobyerno.
Mitambong usab ang mga opisyal ug sakop sa kapulisan ug kasundaluhan ang naasoy’ng programa. Kini isip paghatag ug bili ug pagtahod sa tanan nga nakigbisog ug nagbuhis ug kinabuhi alang sa pagkab-ot sa kagawasan sa nasud.
Samtang, kahibaluan nga dungan sa pagsaulog sa 120th Araw ng Kalayaan, may jobs fair usabn nga ipahigayon dinhi sa siyudad. Ipahigayon kini sa usa ka mall dinhi sa siyudad.
Gibutyag sa Bombo Radyo ni Nur Juanday sa PESO GenSan, nga pangunahan kini sa DOLE, katambayayong ang ilang buhatan lakip na sa lokal nga panggamhanan ug mga stakeholders, nga himuong nationwide sa mga pili nga lugar sa nasud.
Una niini, may gipahigayon nga pre-registration alang sa maong jobs fair.
Gihangyo usab ang mga aplikante nga magdala ug daghang application letter, resume ug uban pang mga dokumento aron pwedeng makasumiti sa laing mga kompanya gumikan ubay-ubay ang gitanyag nga trabaho.
