Gitukod na ang 50 ka modular tents sa Sapu Padidu Gymnasium Evacuation Center aron magamit isip temporaryong kapuy-an sa mga pamilyang naapektuhan sa magnitude 7.8 nga linog.
Ang maong mga tents donasyon gikan sa Consulate General of the People’s Republic of China in Davao ug gitukod pinaagi sa tabang sa Department of Social Welfare and Development Field Office XII.
Kabahin kini sa kinatibuk-ang 500 ka modular tents nga gihatag alang sa Malapatan aron matabangan ang mga pamilyang nag-evacuate sa ilang mga panimalay tungod sa linog.
Gilauman nga ang maong mga temporaryong puy-anan makatabang sa paghatag og luwas ug mas maayong kapuy-an sa mga evacuees samtang nagpadayon ang mga kalihokan sa relief, rehabilitasyon, ug recovery sa apektadong mga komunidad.
