Gikonsiderar usab sa gobyerno ang paghatag og 50% nga diskwento sa mga senior citizen kon mosakay sila sa MRT ug LRT.
Kini nunot sa paglusad karong adlawa sa Department of Transportation og 50% nga diskwento sa plitehan sa mga tinun-an nga mosakay sa tren.
Matod ni Palace Press Officer USec. Claire Castro, gitun-an sa kagamhanan nga gipangulohan sa Department of Transportation ang nasangpit nga sugyot, ilabi na nga gusto usab ni Presidente Ferdinand Marcos Jr.
Matod ni Castro nga sa pagkakaron, dili mahimo nga dungan nga hatagan og diskwento ang mga tinun-an ug senior citizens.
Sa pagkakaron, 20% na ang diskwento sa plitehan sa mga senior citizen.
Gipahinumdoman usab sa DOTr ang mga tinun-an nga ang diskwento balido lamang sa single journey tickets ug dili sa Beep cards o stored-value tickets.
Gitataw ni Castro nga madahom sa publiko nga magpadayon ang diskwento sa mga tinun-an gikan sa Lunes hangtod sa Domingo o bisan sa holidays.
Ang maong programa molungtad hangtod sa 2028.
Sa usa ka podcast interview, si Presidente Marcos niingon nga ang mga senior citizens nakaserbisyo na sa nasud ug nagtrabaho sa tibuok nilang kinabuhi, mao nga ang gobyerno kinahanglan lang nga mohatag kanila og pipila ka mga benepisyo.
Matod pa niya nga kasagaran sa mga senior citizen gamay ra ang kuwarta, mao nga tun-an sa gobyerno ang dakong diskwento alang kanila.
Mensahe sa Presidente sa mga estudyante nga magtuon og maayo
