GENERAL SANTOS CITY – Gibate ug kalooy si Dr. Rochelle Oco ang medico Legal sa dakbayan dihang nagpahigayon ug post mortem sa singko anyos nga bata nga namatay samtang naa sulod sa usa ka sakyanan.
Migawas sa pagsusi niini nga nahutdan ug hangin ang bata.
Gisaysay niini ang mga posebilidad nga mahitabo nga kung naa sulod sa sirado nga sakyanan mahurot ang oxygen nga ikamatay sa kinsa man.
Matud niiini nga usa ka factor kung mahutdan sa hangin maglisod sa pagginhawa nga posebli nga walay nakatabang sa bata hangtud kini nalipong.
Gani gisulayan pa ug dala sa tambalanan ang bata apan nabugtu-an kini sa iyang kinabuhi.
Gisogyot hinuon niini sa mga ginikanan ug sa mga edaran nga tudlu-an ang mga bata kung unsay buhaton kung masiradhan sulod sa sakbayan o kaha tudlu-an sa pagsulod sa sakyanan ug tudlu-an usab sa pag-abli aron makagawas sa sakyanan.
Tambag pa niini sa mga mahiligun nga matulog sulod sa sakyanan nga ablihan gayud ang salamin aron makasulod ang presko nga hangin, samtang gibutyag niini nga peligro nga matulog sa sakyanan nga gaandar ang aircondition.
Matud niini angayan nga maniguro nga walay tapad nga daob, u kaha aso gikan sa sunog kay mahigop kini sa aircon.
