5 patay sa paghagsa sa helicopter sa Tanzania

Lima ka tawo ang namatay human nahagsa ang usa ka helikopter sa Mount Kilimanjaro sa Tanzania.

Ang Tanzania Civil Aviation Authority nag-ingon nga ang helikopter naa sa usa ka medical mission sa dihang nahagsa kini duol sa Barafu Camp.

Ang mga biktima nga sakay sa helikopter naglakip sa usa ka doktor, usa ka tour guide, usa ka piloto ug duha ka langyaw nga turista.

Ang Mount Kilimanjaro anaa sa 6,000 metros ibabaw sa lebel sa dagat, diin ang helikopter nahagsa sa gihabogon nga mga 4,700 metros.

Ang Mount Kilimanjaro gibisitahan sa 50,000 ka turista matag tuig.