GENERAL SANTOS CITY – Mukapin na sa 17oo ang natala nga kaso sa dengue sa dakbayan. Base sa datos sa City Health Office nga gikan sa Enero 1 hangtod sa Nobyembre 22 aduna nay 1790 ka dengue case sa dakbayan og lima na ang patay.
Ang maong ihap mas taas itandi sa milabay nga tuig nga aduna lamang 943 ka mga kaso.
Ang Barangay Calumpang ang may pinakataas nga kaso nga mukabat sa 270 kaso, gisundan sa Bgry. Labangal nga adunay 235, Fatima 184, San Isidro – 183, Apopong 131, Lagao -128, Tambler 84, City Heights 76, Bula 73, Mabuhay 70, Conel 59, Dadiangas west 44, Sinawal 43, Siguel 42, Katangawan 41, Dadiangas North 32, Baluan 22, San Jose ug East -13, Dadiangas south 12, Buayan 9, Ligaya 8, Olympog 6, Tinagacan ug Batomelong 5, ug Upper Labay may duha ka dengue cases.
Ang mga nagsakit anaa sa pangidaron nga walo ka bulan hangtud 97 anyos.
Matud kang City Health Officer Dr. Rochelle Gajete-Oco nga kinahanglan nga manghinlo ang mga residente sa palibot aron walay pangitlogan ang mga lamok og pinaagi niini malikay sa sakit nga dengue.
