Patay ang lima ka tawo human mi-overshoot sa ‘runway’ ang usa ka cargo plane sa Miami International Airport.
Matud ni Miami-Dade Fire Rescue Chief Raied “Ray” Jadallah, milapas sa runway ang eroplano samtang kini nag-landing.
Naigo sa eroplano ang pipila ka mga sakyanan nga nagparada sa maong lugar, nga misangpot sa pagkasunog sa bahin sa eroplano.
Adunay lima usab ka tawo nga nasamdan sa insidente, diin tulo kanila ang anaa sa kritikal nga kondisyon.
Pipila sa mga biktima ang wala dayon makagawas sa ilang mga sakyanan human kini maigo sa eroplano, hinungdan nga nagtambayayong ang mga rescue team aron sila ma-rescue.
Ang Boeing 767-300 cargo plane gikan sa San Juan, Puerto Rico sa dihang mi-overshoot kini sa runway human molanding sa Miami pasado alas-2 sa hapon.
Padayon ang Federal Aviation Administration o FAA sa ginahimong imbestigasyon kabahin sa maong insidente.
