Labing menos lima ka tawo ang namatay human ang usa ka cargo plane sa Amazon mi-overshoot sa runway samtang nag-landing sa Miami International Airport niadtong Domingo.
Human sa overshooting, ang eroplano nabangga sa daghang mga sakyanan sa wala pa kini mobuto.
Tulo ka tawo ang gidala sa mga trauma center ug anaa sa kritikal nga kondisyon, samtang ang duha pa gitambalan sa ospital.
Gikinahanglan usab ang usa ka komplikado nga rescue operation human ang pipila ka mga biktima natanggong sa mga sakyanan nga nabangga sa eroplano, ingon man ang piloto ug co-pilot nga natanggong sulod sa eroplano.Ang eroplano nga nalambigit usa ka Boeing 767-300 nga nag-operate isip Prime Air Flight 7598.
Miabot kini gikan sa San Juan, Puerto Rico ug mi-landing sa Miami International Airport mga alas 2 sa hapon.Mga 60 ka fire apparatus ug hapit 200 ka Miami-Dade Fire Rescue personnel ang mitubag dayon sa mga search and rescue operations ug gipalong ang sunog.
Tungod sa insidente, gisiradhan sa airport ang tanang runway ug taxiway ug gitambagan ang mga biyahero nga kontakon ang ilang airline sa dili pa moadto sa airport.
Ang Federal Aviation Administration ug ang National Transportation Safety Board nagpadayon sa pag-imbestiga sa hinungdan sa insidente.
