GENERAL SANTOS CITY – Sikop ang lima katao nga gitudlong nagpaluyo sa pagpamommba sa Isulan Sultan Kudarat.
Sa gi-implementang earch warrants sa mga militar og pulis sa Sitio Nakan, Brgy Kapaya, Bagumbayan , Sultan Kudarat, nasikop ang subject nga silang Normia og Norshiya Camsa.
Narekober sa operating team ang (1) unit sacaliber 45 nga may magazine og mga bala, IED og components niini gawas pa sa usa ka gallon sa suspected ammonium nitrate powder.
Samtang sikop usab ang usa ka Hassan Akgun (Swedish National) og Abedin Camsa a.k.a Beds.
Matud kang P/Col. Henry Villar nga narekober sa mga pulis sa search warrant ang M16 Rifle nga may bala, IED Components nga may usa ka gallon sa suspected ammonium nitrate powder , backpack nga may unod nga ISIS Flag, shotgun og nagkadaiyang IED components.
Silang Normia og Norshiya Camsa, Hassan Akgun og Abedin Camsa ang kustodiya na karon sa Sultan Kudarat Police Provincial Office,
Ang mga nasampit matud pa suspected ISIS Sympathizers lakip ang nadakpang langyaw.
