Gikataho sa US Central Command o CENTCOM nga malampuson matod pa nilang gilaglag ang lima ka Iranian oil tanker isip panimalos sa bag-ong missile attack sa Iran.
Sumala sa command, duha ka sunod-sunod nga pagsulay sa pag-atake ang gihimo sa Islamic Revolutionary Guard Corps o IRGC batok sa mga barkong panggubat sa US, apan wala kini molampos.
Ang paglaglag sa lima ka tanker, matud pa sa command, kabahin lamang sa panimalos sa maong mga pwersa sa US tungod sa padayon matod pang pag-atake sa Iran batok sa mga tropa sa US nga nakadeploy sa nagpadayong gubat.
Base pa sa report sa command, duol sa mga Gulf states nga kaalyado sa US ang maong mga tanker sa dihang gipabuto ug gilaglag kini sa militar.
Gipasidan-an usab ang mga tripulante nga biyaan una ang ilang mga barko sa wala pa gihimo ang pag-atake.
Sa wala pa kini, tulo pa ka Iranian tanker ang gilaglag usab sa US niaging semana.
Una na usab nga mipahimangno si Iranian Armed Forces Chief of Staff Ali Abdollahi nga padayon nilang atakehon ang mga ‘US Military Base’ sa Middle East kung dili mohunong ang US sa pag-atake sa mga oil tanker.
