5.15 ka milyon ka tawo sa Pilipinas ang naapektuhan sa mga bagyo ug habagat

Mokabat na sa 5.15 milyon ka tawo sa nasod ang naapektuhan sa hiniusang epekto sa mga bagyong Maymay ug Luis, lakip na ang Habagat, base sa report sa Office of the Civil Defense (OCD) karong Martes, Agosto 18.

Parihas kini sa  1.47 milyon ka pamilya nga naapektuhan sa Ilocos Region, Cagayan Valley, Central Luzon, Bicol Region, Western Visayas, Zamboanga Peninsula, Calabarzon, Mimaropa, Cordillera Region ug National Capital Region.

Matud ni OCD Information Officer Diego Mariano, nagpabilin pa sa mga evacuation center ang kapin 6,300 ka pamilya.

Padayon usab nga gipamatud-an sa mga otoridad ang report sa 26 ka tawo nga gikatahong namatay tungod sa mga kalamidad.

Sa maong ihap, 15 ang gikan sa Benguet, samtang tulo ang namatay sa Rizal ug Batangas, duha sa Caloocan, ug usa sa La Union, Quezon ug Negros Occidental.

Sa pagkakaron, adunay pa usa ka tawo nga gikatahong nawala.

Gibanabana usab nga 1,786 ka balay ang nadaot, diin 203 niini ang hingpit nga naguba