GENERAL SANTOS CITY – Karong Lunes, Nobyembre 13 na magsugod ang 4th Treasures of Region 12 hangtud sa 19, 2017.
Matud pa ni Leonard Flores, Chief of the Industry Development Division sa Department of Trade and Industry(DTI) 12 nga ang Treasures of Region 12 ang matag tuig kini nga aktibidad nga ang tumong nga ipakita sa publiko ang resulta nga gihimo sa ilang buhatan lakip na mga partner agencies sa mga small-medium enterprises.
Gawas niini gusto usab ipahibalo sa publiko kung unsa ang mga maayong produkto sa rehiyon.
Gikadugang pa ni Flores nga may matigayon nga job and business fair, trade fair, seminars.
Ang job and business fair ang tawgon nga Trabaho, Negosyo at Kabuhayan nga labing unang higayon nga may partisipasyon ang DOLE.
May seminars nga mahitabo sama sa entrepreneurial mindset nga pasugdahan sa OWWA.
Samtang labing unang higayon usab nga ipahigayon atol sa treasures of region 12 ang seminar kalabutan sa Geological Hazards and Responsible mining.
Karong tuiga ipahigayon sa labing unang higayon ang Treasures of Region 12 sa koordinasyon sa nagkadaiyang mga ahensya sa gobyerno.
Sa matigayon nga trade fair dinhi makit-an ang mga gipasigarbo nga mga produkto sa Rehiyon 12 og karon may produkto usab gikan sa laing mga probinsya sa nasud.
