Mokabat sa tulo ngadto sa upat ka milyon ka mga balota alang sa 2025 nga piniliay ang nasuta nga depektoso ug kinahanglang ilisan. Apan, niinsistir si Comelec Chairman George Garcia, dili kini problema.
Matod niya, tungod dali nga nahuman ang pag-imprenta, naa pay panahon sa pag-reprint.
Sa partikular, usa ka problema ang nakita sa mga balota para sa Bangsamoro sama sa gamay nga gidak-on nga posibling makakompromiso sa timing marks kung kini ibutang sa mga makina.
Dugang niini nga adunay uban nga naproblema sa ink nga gidawat sa mga makina apan bisan pa niini gisubli gihapon kini sa Comelec.
Sa kinatibuk-an nga kapin sa 68 ka milyon nga mga balota, 40% pa ang kinahanglan nga ma-verify.
Apan garantiya ni Garcia, di sila maglibog sa oras ug ipadala ang mga balota sa tukmang oras nga gitakda sa komisyon.
