GENERAL SANTOS CITY- Gihagit karon ni PRO-12 Reg’l Dir. Police Chief Supt. Cedric Train ang mga police recruits nga tinud-on ang gipanumpaan nga proteksyunan og serbisyohan og matinud-anon ang publiko.
Kini human nga nanumpa ang mukabat sa 495 ka bag-ong police recruits sa Tambler Headquarter.
Kini ang nakapasa gikan sa 1,093 nga mga nag-apply online human miagi sa hugot nga proseso og random drug test.
Matud ni RD Train, galaum siya nga dili malambigit ang mga nasampit sa unsa mang kahiwian og mga iligal nga gimbuhaton.
Nasayran nga ipailawom sa grabeng training sulod sa unom ka bulan ang mga police recruits og kon makapasa, subling manumpa isip hingpit nang Police Officer 1. Ang maong batch ang mabutang sa public safety forces sama sa Reg’l Public Safety Batallion, Prv’l Public Safety Company, City Public Safety Company sulod sa lima ka tuig bag-o mabutang sa police station
