Gikonsidera nga 49% sa mga pamilyang Pilipino nga ‘kabus’ ang ilang estado sa kinabuhi. Base sa SWS national survey nga gihimo gikan sa Hunyo 25 ngadto sa 29, ang SWS nasuta nga 49% sa mga pamilyang Pilipino mi-rate sa ilang kaugalingon nga pobre, ubos lang og usa ka porsyento nga punto gikan sa 50% nga gitaho kaniadtong Abril.
Sumala sa survey, 10% sa mga respondents mi-rate sa ilang kaugalingon nga “borderline” ug 41% nag-isip sa ilang kaugalingon nga ‘dili pobre’.
Kadtong nag-rate sa ilang kaugalingon nga dili kabus sa bag-ohay nga survey, 50% usab niini ang nag-rate sailang mga kaugalingon nga dili sila kabus kaniadtong Abril.
Ang gibana-bana nga ihap sa self-rated nga mga kabus nga pamilya anaa sa 13.7 milyon gikan sa bulan sa Hunyo 25 hangtod Hunyo 29, 2025, ug 14.1 milyon gikan Abril 23 hangtod Abril 28, 2025.
Ang nasampit nga gidaghanon sa mga self-rated nga kabus nga pamilya resulta sa survey gikan sa medium-population projection alang sa 2025 sa Philippine Statistics Authority (PSA).
Sa Hunyo 25 hangtod Hunyo 29, 2025 nga survey nakit-an nga ang porsyento sa dili Pobre nga mga pamilya kay 41%, usa ka punto nga mas ubos sa record-high nga 42% gikan sa Abril 23 hangtod Abril 28, 2025.
Kini 13% sa una nga gitaho kaniadtong Hulyo 1985, ug nakaabot sa labing ubos nga record nga 8% kaniadtong Hulyo 1991.
Ang SWS nagkanayon nga ang usa ka punto nga pagkunhod sa nationwide ratings tungod sa pag-ubos sa Visayas ug Balance Luzon (o Luzon gawas sa Metro Manila), inubanan sa pagsaka sa Mindanao ug Metro Manila.
