GENERAL SANTOS CITY – Human sa sunod sunod nga pagpatindog ug estruktura sa Mount Matutum Protected Landscape sugod kaniadtong 2019.
Gikumpirma ni Matutum Protected Area Management Superintendent (PASu) Efren Hibaler ang pagpasaka ug kaso batuk sa negosyante nga si Samuel Napala nga taga dakbayan sa pagsupak matud pa sa Republic Act 11038 kon Expanded National Integrated Protected Area System Act of 2008 (ENIPAS).
Matud ni Hibaler nga nadawat na sa Department of Justice (DOJ), National Prosecution Service (NPS) Office of the Provincial Prosecutor in Polomolok, South Cotabato ang naka docket nga reklamo.
Nasuta nga usa si napala sa 48 ka mga unlawful occupants sa Mount Matutum Protected Landscape nga gikasuhan human giguba ang kinaiyahan, nagpatindog ug estruktura, nagputol sa mga punu-an sa kahoy, ug daghan pa.
Una nga nagpasa ug manifesto ang organization of Municipal, City and Provincial Environment Officers sa South Cotabato ug giawhag si DENR-12 Director Atty. Felix Alicer nga mulihok batuk sa paspas nga convertion lakip ang pagbaligya sa forestland, pagpahimo ug pagpasemento sa dalan nga walay pagtugot sa Protected Area Management Board.
Una nga gisuportahan ni South Cotabato PDC chairperson Governor Reynaldo Tamayo Jr ang resolosyon sa DENR nga ipatuman ang enhanced NIPAS act .
