GENERAL SANTOS CITY – Mukabat sa 450 ang naka benipisyo sa libreng medical mission nga gitanyag sa Philippine Councilors League Gensan sa duha ka tulunghaan sa dakbayan.
Kini na ang ikaduha nga hugna sa medical ug mental check-up kung asa apil na ang mga magtutungha sa nahatagan sa libre nga serbsiyo.
Tungod niini nagpasalamat ang DepEd gensan sa gihimong pagtagad aron mahiling sa mga Doktor dili lamang ang mga magtutudlo apil na ang mga magtutungha gikan sa kindergarteen hangtud Grade 6.
Una nga gipahigayon ang susama nga aktibidad sa Ireneo Santiago National High School kung asa ang mga magtutudlo ang nakabenipisyo niini samtang miaging adlaw ang taga Oringo Elementary School na usab ang napili nga serbisyuhan.
Una ng gibutyag nga hilabihan kadako ang bayrunon sa usa ka indibidwal nga mupailawom sa mental check-up.
