Miabot sa Pilipinas ang 442 ka mga Pilipino gikan sa United Arab Emirates (UAE) sakay sa usa ka flight nga gitabangan sa gobyerno kagahapong adlawa, taliwala sa tensyon sa Middle East, sumala sa Department of Migrant Workers (DMW).
Sumala sa DMW, kapin sa 200 ka mga overseas Filipino workers (OFWs) ang sakay sa flight nga nitugpa pasado alas 12 sa udto sa Ninoy Aquino International Airport (NAIA) Terminal 3 sa Pasay City.
Ang ahensya nakig-alayon sa operasyon sa Overseas Workers Welfare Administration, Department of Social Welfare and Development, Department of Health, TESDA, ug Bureau of Immigration.
Ang mga Pilipino sa flight nagpasalamat kang Presidente Marcos Jr. pinaagi sa usa ka video nga gipaambit ni Migrant Workers Secretary Hans Leo Cacdac.
