Gipamatud-an sa mga hospital sources sa Gaza nga mikabat na sa labing menos 42 ka mga Palestino ang napaslang sa bag-ong mga pag-atake sa puwersa sa Israel.
Sumala sa mga report, ang kadaghanan sa mga napatay kay mga sibilyan nga naghulat lamang og pagkaon sa lugar nga gitarget sa mga Israeli airstrikes. Ang mga ospital karon sa Gaza naglisod na sa pag-atiman sa kadaghang samaran, tungod sa kakuwang sa medikal nga suplay ug pasilidad human sa halapad nga kagubot.
Gipasanginlan sa lokal nga awtoridad ang Israel sa padayong pagtarget sa mga lugar nga aduna untay mga tawo nga nangita og relief goods, lakip na ang mga lugar nga duol sa mga food distribution centers ug mga ospital.
Ang krisis sa Gaza misamot sa pagkagrabe samtang padayon ang mga opensiba, ug nangayo na og dugang nga internasyonal nga tabang ang mga health workers ug humanitarian groups nga naglihok sa rehiyon.
Wala pa motubag ang Israeli side sa maong mga pasangil hangtod karon, samtang nagpadayon ang tensiyon ug kasamok sa Gaza Strip.
