GENERAL SANTOS CITY – Nagapadayon ang pagbansay sa dugang batch sa Bagani kun warrior aron mahimong community peacekeeper ug forest guard sa Malapatan Sarangani Province.
Kahibaluan nga mukabat sa 41 ka mga kanhing miyembro sa walhong grupo ang misalmut sa training aron mamahimong bagani sa ilang matag komunidad.
Ang mga nasampit ang pulos residente sa Barangay Datal Anggas sa maong munisipyo.
Gi- welcome sa opening ceremony ni 1LT Stephen B Yangzon Philippine Army , Bravo Company, 73rd IB ang mga bisita ug mga Bagani trainee.
Adunay gipahigayon nga hamubo nga programa alang sa pagsugod sa training.
Nasayran nga ipailawom sa pito ka adlaw nga training ang mga nasampit kung asa tudloan og marksmanship, military discipline, hustong paggamit sa pusil ug immediate action drills.
Apil usab sa ilang program of instruction ang diskusyon mahitungod sa Prevention and Control of COVID-19, First Aid, solid waste management, environmental protection ug Backyard Gardening.
Ang mga bagani warriors, makadawat og tag-usa ka sakong bugas paghuman sa training ug hatagan usab silang honorarium, ug iapil sa insurance.
