GENERAL SANTOS CITY – Gihingusgan ni Police Supt. Roldan Daniel, labaw sa Regional Civil Security Unit Region 12 nga mahimo nga isyuhan sa korte og search warrant og dakpon dayon kasuhan ang tag-iya og armas nga wala nagrenew sa ilang License to Own and Posses Firearms kon LTOPF.
Matud ni Supt. Daniel, nga sa katibuk-an mukabat sa 35,000 ang registered firearms sa rehiyon dose apan kapin sa 4,000 lamang ang nagparenew.
Hinungdan nga ang kadtong mga pusil nga unang narehistro sa ilang buhatan apan wala nagparenew ang makonsidera na nga loose firearms.
Gibutyag sa opisyal, napulo ka rekositos ang angayang i-comply sa gun holder alang sa pag-angkon og LTOPF sama sa drug og neuro-psychiatric test.
Angayang seryosohon ang pagproseso, bisan nakasabot sila nga adunay trabaho ang kasagaran sa mga gapanag-iya og armas, kinahanglan nga personal nga magpakita ang tag-iya atul sa pagproseso og dili pwedeng ang ubang tawo.
Nasayran nga sa Agosto 7 magpahigayon ang RCSU-12 og One stop shop caravan sa LTOPF sa mismong Sanggunian Panglungsod sa dakbayan kon diin ang nag-unang prayoridad mao ang mga government officials.
