GENERAL SANTOS CITY – Mukabat sa 40 ka lechon ang kuninitan sa 1,500 ka mga tawo karong adlawa atul sa ika-10th Lechon Festival sa syudad.
Matud ni Chester Warren Tan, kanhi presidente sa South Cotabato Swine Producers Association (Socospa) nga ang naasoy nga mga lechon ang gihatag sa ilang myembro aron dungan nga kaunon isip kabahin sa event nga adunay titulong “Lechon Fun Boodlefight.”
Gikadugang pa niini nga andam sila sa kapyestahan human ang ipahigayon nga parada aron ipakita ang naasoy nga mga lechon nga giluto sa mga lechoneros sa syudad.
Ang Socospa ug ang syudad pinaagi sa City Veterinary Office ang mag highlight sa hog industry sa syudad ug mga silingan nga lugar.
Karong adlawa usab gisaulog sa Socospa ang ika -29 nga Foundation Anniversary.
Si Tan maoy chairman sa National Federation of Hog Farmers Inc.,ang nakiglambigit sa mga barangay council aron magpadala ug tig singkwenta ka mga residente nga muapil sa boodle fight.
Matud usab niini nag magkadako ang ilang selebrasyon hilabi na sunod tuig mag 30 ka tuig na ang ilang grupo.
