GENERAL SANTOS CITY – Padayong gi-imbestigahan sa GenSan Traffic Management Unit ang pagkarambola sa upat ka sakyanan sa Labos, National Highway Barangay City Heights ning syudad kagahapon.
Bandang alas 4:30 sa hapon dihang natigayon ang vehicular accident nga nagresulta sa paghuot sa dagan sa trapiko.
Matud ni Police Staff Sergeant Lemuel Avis, traffic investigator sa TMU, sa karon gitan-aw ang posibilidad sa ‘human’ o mechanical error nga miresulta sa hitabo.
Gibutyag niini nga mihunong sumala pa ang duha ka sakyanan lakip ang usa ka motorsiklo duol sa traffic light sa lugar tungod naka red signal pa kini apan kalit lamang nga nabanggaan sa usa pa ka SUV hinungdan sa karambola.
Halos malumping ang pipila ka sakyanan nga nalambigit sa pagpangdaro sa usa pa ka sakyanan.
Samtang ang uban usab nga sakyanan ang naabot na sa tunga sa traffic lights human nalabay tungod sa kakusog sa impak sa bangga.
Gikatakda nga mag-atubangay sa TMU ang mga operator sa 4 ka sakyanan aron mahisgotan ang mga naangkong damyos apil ang mga tulubagon huma nga nakaangkon og minor injury ang naka-motor bisan paman napaslak sa usa pa ka sakyanan.
Luyo pa man nga walay nagrabehan o namatay sa insidente apan giangkon ni Avis nga dako ang danyos sa propiedad sa maong panghitabo.
