GENERAL SANTOS CITY- Dead on arrival ang upat nga sakay sa van human sa bangga tali sa pick up truck sa Makar-South Cotabato Road, sakop sa Barangay Apopong ,ning dakbayan sa Heneral Santos, alas 2:40 sa hapon, kagahapon Pebrero 16 2025.
Matud sa Traffic Enforcement Unit GenSan, ang duha ka sakyanan ang nagalawig sa 6-lanes sa opposite direction apan ang pick up miilog sa dalan sa van hinungdan sa bangga.
Patay usab ang driver sa van nga giila nga si Rasol Angkob Adam, 56-anyos, residente sa Datu Odin Sinsuat, Maguindanao.
Patay usab ang tulo ka pasahero sa van nga silang Mila L. Kanapia, 49-anyos, residente sa B3,L7, Purveyors Subd., RH-11,Cotabato City; Mambai Adam Dimaraw, 58-anyos, residente sa 8th Road, Datu Odin Sinsuat, Maguindanao; Mora Butuan Salilaguia, 62-anyos, residente sa Buluan, Maguindanao.
Samtang angol ng siyam pa ka sakay sa van ug upat ka sakay sa pick up apil ang driver, asa anaa tanan sa 13 ang samaron sa maong insidente nga nadala sa balay tambalanan. Sa kasamtangan nagpadayon ang imbestigasyon sa maong panghitabo.
