Upat patay apil usa ka bata ang namatay samtang 14 pa ang naangol sa pagbusikad sa bodega sa pyrotechnics devices sa Zamboanga City hapon sa Hunyo 29.
Nagmando gilayon si Zamboanga City Mayor John Dalipe sa mga ahensiya sa gobyerno nga tabangan ang mga biktima.
Nahitabo matud pa ang pagbuto alas kwatro sa hapon sa bodega nga nahimutang sa Marquez Drive, Tetuan.
Sa gipagawas nga report sa City Disaster Risk Reduction and Management Office ang mga biktima ang nakaangkon ug gagmay nga samad samtang ang walo ang anaa sa seryos nga kahimtang.
Gumikan sa pagbuto naguba ang gambalay sa palibut ug apektado ang linya sa kuryente samtang temporaryo nga gipasiradhan ang dalan padulongs a blast site .
Dali usab nga miadto sa lugar ang Mayor ug nakiglambigit sa mga otoridad .
Nasuta nga nakaabut pa sa 2nd fire alarm una gideklara nga control ang kalayo ala 5:26 sa hapon.
