GENERAL SANTOS CITY – Upat ka miyembro sa New Peoples Army kon NPA ang nagsurender sa militar sa Palimbang, Sultan Kudarat.
Matud pa ni Lt. Col. Allen Estrera, batallion commander sa 37th IB Philippine Army nga ang upat ang sakop sa West Daguma Front sub regional commitee ilawom sa Daguma Far South Mindanao Region sa pagpanguna ni Dennis Dulunan nga taga Kalamansig, Sultan Kudarat.
Sa pamahayag ni Lt. Col. Estrera nga ang mga nasampit ang apil sa nakaengkwentro sa militar sa miaging mga adlaw kung asa nagbulag-bulag ang maong grupo sa kabukiran.
Ang upat nagutman og sa dihang nakahigayon nga nakalugsong sa patag, nakadesisyon nga magpatabang sa ilang sitio leader og mga officials nga magsurender sa gobyerno.
Sa pamahayag ni Lt. Col. Estrera nga gilayon gihatagan og financial assistance sa lokal nga gobyerno sa Palimbang ang upat aron makasugod sa pagbag-o sa ilang kinabuhi.
