-- ADVERTISEMENT --
Gipahibalo ni Presidente Ferdinand “Bongbong” Marcos Jr. kagahapong adlawa nga ang upat ka adlaw nga semana sa pagtrabaho temporaryong ipatuman sa pipila ka mga opisina sa gobyerno sugod Marso 9.
Sumala sa Presidente, ang pipila ka mga opisina sa Executive Department mopatuman og upat ka adlaw nga semana sa pagtrabaho aron makatabang sa pagdaginot sa enerhiya human sa padayon nga pagsaka sa presyo sa mga produktong petrolyo ug sa nagkagrabe nga tensyon sa Middle East.
Dugang pa, ang mga dili importanteng biyahe ug kalihokan sa gobyerno sama sa mga study tour, team-building nga kalihokan o mga miting temporaryo usab nga gidili, nga mahimong ipahigayon online.
