GENERAL SANTOS CITY – Natapos na ang mandatory quarantine sa upat ka mga Chinese tourists sa Sarangani Healthcare Facility and Dangerous Drug Abuse Treatment and Rehabilitation Center sa Brgy. Kawas Alabel.
Kahibaluan nga ang mga nasampit nagpabilin una sa maong pasilidad isip Persons Under Monitoring sa COVID-19.
Nakahuman ang upat ka sa 14 diyas nga quarantine period hinungdan nga gihatagan og medical authorizations.
Nagpabilin sila nga asymptomatic kun walay sintomas sa Coronavirus hinungdan nga gitugtan nga makagawas sa maong pasilidad og gani, gihatud dayon sa General Santos International Airport alang sa ilang biyahe paingon sa Kauluhan.
Kahinumduman nga nahidangat sa Pilipinas ang mga nasampit pinaagi sa Clark Pampanga Airport kaniadtong Enero 30.
Miadto sila sa usa ka beach resorts sa Glan, Sarangani Province og dayong gipailawom sa isolation.
Nasayran nga protocol sa Department of Health nga ipailawom sa quarantine ang kinsa man nga gikan sa mga nasud nga apektado sa covid 19 aron makasiguro nga wala nataptan.
