-- ADVERTISEMENT --
GENERAL SANTOS CITY – Gitay-og sa 4.3 magnitude nga linog ang Maasim, Sarangani alas -10:35 kagabii.
Base sa impormasyon gikan sa Philippine Institute of Volcanology and Seismology (Phivolcs), natala ang epicenter sa linog sa 26 kilometro sa kasadpang bahin sa Maasim.
May gilawmon kini nga 14 kilometers, ug tectonic in origin. Dungan niini, natala sa General Santos City ug Alabel, Sarangani, ang instrumental Intensity II.
Bisan paman, walay gilauman nga aftershocks, ug wala usab matud pay natala nga kadaot sa mga kabtangan, o kaha tawo nga naangin, tungod sa nahisgutang pagtay-og.
