Niingon ang Philippine National Police (PNP) kaniadtong Sabado, Hulyo 26, nga ilang ipakatap ang inisyal nga puwersa sa mga 3,000 ka mga pulis sa nagkalain-laing lugar sa Quezon City, usa ka adlaw sa dili pa ang ikaupat nga State of the Nation Address ni Presidente Ferdinand Marcos Jr.
Karong semanaha lang, ang PNP nagkanayon nga mokabat sa 12,000 ka personnel ang ipakatap para sa ikaupat nga SONA ni Pangulong Marcos.
Matod ni Fajardo nga wala pay nakitang seryosong hulga ang PNP may kalabotan sa SONA.
Si Fajardo niingon usab nga pipila ka mga PNP personnel ang gipakatap na sa Commonwealth Avenue kaniadtong Sabado.
Gipatuman usab ang mga anti-criminality measures lakip na ang police checkpoints ug Task Force Manila Shield.
Samtang, suspendido ang klase sa tanang lebel, pampubliko ug pribadong tulunghaan sa Quezon City samtang ipatuman usab ugmang adlawa ang liquor ban sa dakbayan.
