GENERAL SANTOS CITY – Nagpabiling naka-heightened alert ang 39th IB Philippine Army nga nahimutang sa Makilala, North Cotabato, human ang natigayong pagpamanhig ug pagpatay sa upat ka pulis sa Bansalan, North Cotabato.
Kini luyo nga dili nila area of responsibility ang nasampit nga lugar.
Matud ni Lt. Silver Bilbes, tigpamaba sa 39th IB, kasamtangan gihapon nilang ginamonitor ang mga armadong grupo sa ilang AOR, aron walay mahitabo nga susamang insidente sa ilang lugar.
Gipadayag usab sa nahisgutang opisyal ang iyang habig may kalabutan sa ginaduso sa mga NPA ug sa ubang militanteng grupo nga ipadayon ang peacetalks ug gikwestiyon ang gilusad nga all out war.
Alang kang Lt. Bilbes, gipagbigyan na kaniadtong sa gobyerno ang mga NPA, apan giabuso gihapon sa mga nahisgutan ang hinabing pangkalinaw pinaagi sa ilang mga krimen nga gihimo sama sa pagpangdagit ug pagpatay.
Hinungdan nga nga alang kaniya, angayan gayud nga ibalik ang kalinaw, apan kadtong matinud-anon nga kalinaw.
Samtang, kahibaluan nga kagahapong adlawa, gianunsyo ang subling pagbalik ug pagpadayon na usab sa hinabing pangkalinawn tali sa gobyerno ug sa CPP-NDF-NPA.
