GENERAL SANTOS CITY – Anaa na sa 83.14% sa Region 12 ang mga nabakunahan nga mga bata batok sa tipdas. Sa report sa DOH – Center for Health Development Soccsksargen Region, nagpasabot ang maong datos nga mukabat sa 385,478 ka mga bata nga nagpangidaron og siyam ka bulan hangtud 59 ka bulan ang nabakunahan.
Sa pagkakaron ang North Cotabato ang may pinakadaghan nga nabakunahan nga muabat sa 113,270.
Ikaduha ang South Cotabato nga anaa na sa 82,523 ang nabakunahan.
Ikatulo ang Sultan Kudarat nga adunay 68,177 ang nabakunahan, ikaupat ang Sarangani Province anaa sa 53, 120 ang nabakunahan na, ikalima ang GenSan nga mukabat na sa 44,388 og ikaunom ang Cotabato City nga anaa sa 24,000 na ka mga bata ang nabakunahan.
Nasayran nga mukabat sa 78,197 pa ang angayang mabakunahan sa tibuok rehiyon dose base sa 463,675 ka mga bata nga target nga mabakunahan.
Ang Measles-Rubella Simultenous Activity kon MRSIA ang mahuman hangtud sa Nobyemtre 25, 2020 apan pwede nga muadto sa health center bisag lagpas sa maong petsa nga libre nga gihatag sa gobyerno.
