38 ka Pilipinong tripulante sa MV Hondius, nakauli na sa Pilipinas

Luwas nga nakauli sa Pilipinas ang 38 ka Pilipinong tripulante sa MV Hondius human nila makompleto ang quarantine sa Netherlands.

Ang mga tripulante gi-quarantine human adunay natala nga mga kaso sa hantavirus sakay sa barko.

Sumala sa mga otoridad, maayo ang kahimtang sa mga Pilipino ug gitugotan na silang makapauli human masiguro nga wala na silang peligro sa maong sakit.

Gipasalamatan usab sa mga tripulante ang suporta nga ilang nadawat gikan sa gobyerno ug mga ahensya nga mitabang sa ilang pagpauli sa nasud.