GENERAL SANTOS CITY – Laing Gensan boxer na usab ang gipasidunggan sa mga opisyal ning siyudad.

Kagahapong adlawa, atul sa flag ceremony, gipresenta si Jelbirt Gomera nga taga Brgy San Jose human nakahatag ug garbo sa dakbayan, human niini gi-kockout atul sa ikalimang round gamit ang wala nga kinumo ang kalaban nga si Omrri Bolivar nga taga Venezuela sa natigayong away nila kaniadtong Nobyembre 10 sa Puerto Princesa Coliseum, Puerto Princesa City.

Sa maong away, nadag-an ni Gomera ang Interim OPBF Featherwieght Title 5.

Gumikan niini, nagpasalamat si Gomera sa mga opisyal sa siyudad tungod sa walay puas matud pa nga suporta ngadto sa mga boksingero sama kaniya. Kahibaluan nga si Gomera ang adunay record nga 13 ka daog, upat ka pildi ug pito ka knockout.