Trantay-siete(37) ang nadugang nga ihap sa nagpositibo hinungdan nga misaka pa sa 714 ang kumpirmadong kaso sa Coronavirus disease sa Rehiyon dose, 325 niini ang aktibo.
Samtang pito ang dugang nga nakarekober hinungdan nga misaka na sa 372 ang total recoveries.
Sa mga bag-ong nagpositibo, tig-usa sa GenSan og Sultan Kudarat; duha sa Cotabato City; lima sa North Cotabato; unom sa Sarangani Province og 22 ang taga South Cotabato.
Basi sa tracker nga gipagawas sa DOH 12, unom ang nakaadto sa GenSan Fishport, 16 ang adunay exposure sa mga kumpirmadong kaso og ang uban padayon pang giimbestigahan kung unsa natakdan sa virus luyo nga adunay travel history sa uban nga lugar. Sa kasamtangan, ang South Cotabato, may 231 covid cases; GenSan- 132; Sarangani- 107; Sultan Kudarat- 87; Cotabato- 84 og North Cotabato- 73 ang natala nga kaso sa covid 19. Samtang 16 ang napatay sa covid 19 sa Region 12 samtang 372 na ang nakarekober human nga nadugang kagahapon ang pito kung asa tulo taga South Cotabato (1-Polomolok, 1 Banga og 1 Suralah); duha taga Kidapawan North Cotabato, usa sa Isulan Sultan Kudarat og usa taga Cotabato City.
