GENERAL SANTOS CITY -Record breaking ang bag-ong kaso COVID 19 sa Region 12 human ngqa mitala og 364 ang nagpositibo sa sakit base kini sa labing ulahing report gikan sa DOH-Center for Health Development Soccsksargen Region.
Gikumpirma usab sa maong ahensya nga 123 ang bag-ong recoveries samtang usa ang bag-ong namatay nga residente sa Kidapawan City, North Cotabato.
Sa 364 nga bag-ong nagpositibo sa sakit, nanguna ang Sarangani sa adunay labing daghang kaso nga natala, gisundan sa Gensan nga 69 ang new cases, ikatulo ang Sultan Kudarat nga 51 ang bag-ong kaso, ikaupat ang North Cotabato-49 og sa South Cotabato mukabat sa 39 ang ngapositibo sa maong deadly virus.
Samtang anaa sa 3,453 na ang kaso sa COVID 19 sa GenSan, Sa South Cotabato adunay 3,409 ka kaso, Sa Cotabato Province adunay 1,810 ka kaso, Sarangani Province adunay 1,209 ang kaso.
Sa Sultan Kudarat adunay 1,113 ka kaso. Sa katibuk-an mukabat na sa 10,994 ang COVID-19 confirmed cases sa rehiyon, anaa sa 2,235 ang active cases, 8,418 ang recoveries og 339 COVID-19 related deaths.
