GENERAL SANTOS—Trantay-sais ang nadugang nga ihap sa nagpositibo hinungdan nga misaka pa sa 677 ang kumpirmadong kaso sa Coronavirus disease sa Rehiyon dose, 299 ang aktibo, 12 ang napatay samtang 365 ang nakarekober na sa sakit human nga nadugang kagahapon ang upat nga pulos taga Polomolok South Cotabato.
Sa mga bag-ong nagpositibo, usa lang ang taga Gensan og North Cotabato, upat taga Cotabato City og ang kadaghanan sa mga bag-ong kaso ang mga residente sa South Cotabato.
Basi sa tracker nga gipagawas sa DOH 12, ang mga nagpositibo sa South Cotabato ang kasagaran ang may travel history sa Fishport.
Ang South Cotabato, may 209 ka kaso; GenSan- 131; Sarangani- 101; Sultan Kudarat- 86; Cotabato- 82 og NOrth Cotabato- 68 ang natala nga kaso sa covid 19.
