GENERAL SANTOS CITY– Traynta singko ka bag-ong kaso sa COVID 19 ang labing ulahing natala sa Region 12 base sa report sa DOH – Center for Health Development Soccsksargen Region.
Sa nasampit nga ihap 16 ang gikan sa Sarangani kung asa 10 ang sa Maitum, lima sa Alabel og usa sa Malungon.
Samtang walo sa North Cotabato, upat sa South Cotabato, upat sa Sultan Kudarat og tulo sa GenSan. Sa pagkakaron 1,470 ang kaso sa COVID 19 sa GenSan, 92 ang active cases og 63 ang patay.
Ang South Cotabato ang may 1,217 ka kaso, 87 ang active cases og 29 ang nakabsan sa kinabuhi.
Ang Sarangani ang may 457 ka covid cases, 39 ang active cases og 15 ang patay. Ang North Cotabato ang may 446 ka kaso, 81 ang active cases og 23 ang patay. Ang Sultan Kudarat ang may 353 ka kaso, 73 ang active cases og 12 ang patay.
Sa katibuk-ang adunay 3,943 ka COVID-19 confirmed cases sa Rehiyon 12 kung asa 372 o 9.43% ang active cases, 3,428 o 86.94% ang recoveries og 142 o 3.60% ang COVID-19 related deaths.
