GENERAL SANTOS CITY -Nanawagan sa mga residente sa dakbayan si Dr. Jett Oco labaw sa City Health Office nga kung ugaling adunay gibati angay nga magpakunsolta gilayon sa mga doktor kini kabahin sa bahad sa dengue.
Sumala pa sa maung opisyal nga bisan gamay lang ang natala nga kaso sa dengue sa dakbayan dili gihapon angayan nga magkumpiyansa tungod adunay lima katawo na ang namatay tungod sa dengue.
Pagbutyag pa ni Dr Oco nga ang COVID-19 usa ka virus ug ang dengue virus usab ug ang duha ka sakit ang adunay susamang sintomas.
Base sa datos sa City health gikan sa bulan sa Enero hangtud sa Mayo aduna lamang 347 ka mga kaso.
Sumala pa nga ubos kini ug 26% nakalabay nga tuig kung asa adunay 472 ka mga kaso sa dengue nga natala sa maung ahensya.
Kasagaran nga mga nagkasakit anaa sa tulo ka bulan hangtud sa 84 anyos ug kadaghanan mga lalaki.
Samtang ang Brgy. Calumpang ang nakatala ug daghan nga kaso kung asa adunay 54 kabook, gisundan kini sa Brgy. Labangal nga adunay 44, ikatulo ang Brgy. Lagao nga adunay 43 samtang ang Brgy. Fatima adunay 41 kaso. Ikalima ang Brgy. San Isidro ug Brgy. Apopong nga adunay tig 22 ka mga kaso dayon ang Brgy. Bula nga 18 ka mga kaso.
Anaa usab sa ikawalo nga pwesto ang Brgy. Tambler nga adunay 17 ka mga kaso dayon ang Brgy. City Heigths nga adunay 13, 11 usab ang ka kaso sa Brgy. Sinawal.
