Moabot sa 341 ka mga distressed ug stranded overseas Filipino workers (OFWs) nga naapektuhan sa tensyon sa Middle East ang gikatakdang papaulion sa Pilipinas, sumala sa Overseas Workers Welfare Administration (OWWA) kagahapong adlawa, Marso 14.
Ang mga nibalik nga OFWs gikan sa Kingdom of Saudi Arabia (KSA), Kuwait, ug Bahrain.
Ang OWWA miingon nga ang chartered flight gikatakdang mobiya sa Riyadh paingon sa Manila karong adlawa, Marso 14, 2026.
Sumala sa ahensya, ang mga OFWs gikan sa Bahrain gitabangan sa mga team gikan sa OWWA, Department of Migrant Workers (DMW), ug mga Embahada sa Pilipinas sa Riyadh ug Manama ‘to cross land borders and proceed to Riyadh, where they will board the chartered flight back to the Philippines.”
Ang gobyerno karon nagtabang usab sa mga OFWs sa Kuwait sa pagproseso sa travel clearance ug land border crossing aron makaabot sa staging area sa Riyadh alang sa gikatakda nga repatriation flight.
Ang mga ahensya sa gobyerno naghatag usab og lain-laing tabang samtang nagkompleto sa mga kahikayan sa repatriation lakip ang tabang sa mga dokumento sa pagbiyahe, temporaryo nga akomodasyon, suporta sa transportasyon, ug uban pang mga kinahanglanon.
Ang espesyal nga charter flight gilauman nga moabot sa Pilipinas ugma, Marso 15 sa NAIA.
