Giingon gilubong sa Taal Lake ang 34 ka mga sabungero nga nawala sulod sa upat ka tuig, sumala sa pahayag sa usa ka suspek.
Sa pakighinabi, gibutyag ni alyas “Totoy” nga ang mga biktima gipatay pinaagi sa paghigot gamit ang alambre.
Iyang giklaro nga tanang mga sabungero nasakpan nga nangilad sa duwa.
Matod niya nga tungod sa mga hulga sa iyang pamilya, nakahukom siya nga mosulti ug misaad nga ibutyag ang tinuod nga utok sa pagpatay.
Gidugang usab sa nasampit nga adunay mga drug lords nga gilubong sa Taal Lake.
Nasayran nga ang unom ka mga security guard nga lakip sa mga missing giila nga sila si Julie Patidongan, Gleer Codilla, Mark Carlo Zabala, Virgilio Bayog, Johnry Consolacion, ug Roberto Matillano Jr.
Ang Department of Justice ug ang Philippine National Police nagpadayon sa ilang imbestigasyon alang sa pagtaral sa mga suspek.
