GENERAL SANTOS CITY –Adunay 322 ka mga tawo ang may sakit nga TB sa matag 100,000 nga populasyon sa Rehiyon dose.
Gibutyag ni Dr. Maria Luisa Canda Baliao ang national TB coordinator sa rehiyon basi sa data sa tuig 2016 .
Matud ni Dr. Baliao nga kung ikumpara sa tuig 2015 sa matag 100,000 ka residente adunay 292 niini ang adunay sakit nga tuberculosis.
Tungod niini mas gipahugtan ang kampanya sa DOh aron pangitaon ang mga tawo nga adunay sakit nga Tb.
Target sa DOh nga masumpo ang naasoy nga sakit aron pag-abot sa tuig 2035 wala na gayoy sakit pa nga tuberculosis ang tawo.
Matud sa DOH nga kung ang usa ka tawo nga adunay sakit nga TB ang makatakod kini ug hangtud katorse ka mga biktima.
Miaging tuig naabut ngadto sa 16,406 ka kaso sa TB ang natala sa rehiyon dose luyo nga ang natambalan mitala ngadto sa 14, 572 ka pasyente.
