GENERAL SANTOS CITY – Gikan sa South Cotabato ang adunay labing daghang natala nga bag-ong kaso sa Coronavirus disease 2019 kagahapon.
Sa ulahing report sa DOH-Center for Health Development Soccsksargen Region, mukabat sa 32 ang new COVID cases, 15 ang bag-ong nagmaayo og usa ang nareport nga namatay tungod sa maong sakit nga usa ka 70 anyos nga lalake nga residente sa Tacuring City.
Sa 32 bag-ong nagpositibo, 19 ang gikan sa South Cotabato usa sa Banga, 14 sa Koronadal City, tag-duha sa Polomolok og Tupi; walo gikan sa North Cotabato; upat gikan sa Gensan og usa gikan sa Lebak, Sultan Kudarat.
Gumikan niini, anaa na sa 2,237 ang kaso sa COVID 19 sa GenSan, 72 ang aktibong kaso og 89 ang patay, 999 ang kaso sa North Cotabato nga may 65 active cases og 55 ang patay.
Sa South Cotabato adunay 1806 ka kaso, 90 ang active cases og 49 ang patay.
Sa Sultan Kudarat adunay 667 ka kaso, 50 ang active cases og 19 ang patay.
Sa Sarangani adunay 615 ka kaso, 11 ang aktibong kaso og 18 ang patay.
Sa kinatibuk-an adunay 6,324 COVID-19 confirmed cases sa rehiyon kung asa 288 (4.55%) ang active cases, 5,804 (92%) ang nakarekober og 230 kon 3.64% ang COVID-19 related deaths.
