GENERAL SANTOS CITY – Anaa sa 31 ka kanhi miyembro sa Communist Party of the Philippines-New People’s Army(CPP-NPA) ang nahatagan og ayuda.
Matud pa kang Sarangani Provinicial Director P/Col. Michael Lebanan halos tanan sa nasampit nga mga rebel returnees ang taga Maasim, Sarangani.
Gibutyag sa opisyal, ang maong lakang pamaagi aron ma-awhag ang uban pang rebelde nga padayong galihok sa mga kabukiran sa probinsya nga mubalik sa sabakan sa gobyerno og aron mubalik sa normal ang kinabuhi kauban ang pamilya.
Sa pamahayag pa ni Col. Libanan,pasiunang hinabang pa lamang ang nahatag og gilauman nga masundan pa kini.
Nasayran nga nakadawat og sinakong bugas, ug mga kinarton nga mga canned goods ang mga kanhi rebelde.
Kabahin ang buhatan ni Sarangani Congressman Ruel Pacquiao sa paghatag og hinabang kauban ang lokal nga kagamhanan sa Maasim, sa pagpanguna ni Maasim Mayor Zyrex Pacquiao.
Anaa usab sa aktibidad si PRO-12 Regional Director Police Brigadier General Michael John Dubria.
