LAKE SEBU – Nagpadayon ang monitoring sa LGU Lake Sebu sa mga barangay nga nahimong apektado sa bag-o nga ‘fish kill’ kun asa daghan nga fish cage operators ang nagpahigayon og emergency harvest.
Kini ang gikumpirma ni Rudy Muyco, Lake Warden sa Lake Sebu sa interview sa Bombo Radyo.
Matud ni Muyco, ang mga apektado nga barangay ang gilangkoban sa Barangay Bacdulong og Barangay Población.
Usa sa nakit-an nga rason sa fish kill ang pag-ubos sa ‘dissolve oxygen’ sa tubig, tungod sa polusyon gikan sa kemikal og pagkatag sa bakterya sa tubig.
Gitan-aw usab nga rason mao ang paggamit og mubo nga kalidad sa tubig.
Sa katibuk-an nga 30 ka tonelada nga apektado, lima ka tonelada dinhi ang nangamatay nga mga isda.
Sa karon, padayon ang pag-harvest sa nga tilapia nga dili kontaminado.
Kahibaluan nga usa ka semana na nga wala ginapakaon ang mga isda kun asa kalabanan sa nabilin anaa na sa market size.
Sa karon gipailawom sa obserbasyon ang duha ka barangay nga apektado sa fish kill.
