Nakauli na ang 30 ka mga Pilipino nga biktima sa human trafficking kagahapong adlawa, sumala sa Department of Migrant Workers (DMW).
Sumala sa DMW, ang mga Filipino niabot sa Ninoy Aquino International Airport (NAIA) Terminal 1 sa tabang sa Philippine Embassy, Office of the Police Attaché, ug sa Migrant Workers Office (MWO) sa Bangkok.
Gihatagan dayon sila og psychosocial services, financial assistance, ug legal assistance, uban sa P50,000 gikan sa DMW’s Action Fund ug P10,000 gikan sa Overseas Workers Welfare Administration (OWWA).
Base sa mga biktima, kadaghanan kanila gi-recruit pinaagi sa WhatsApp, Facebook, ug Telegram, ug gitanyagan og peke nga trabaho isip customer sales representative apan napugos sa pagtrabaho isip online scammers.
Ang DMW, sa laing bahin, nagpahinumdom sa mga Filipino nga magmatngon sa mga malimbongon nga online job offer ug pag-verify sa mga recruitment agencies sa ilang opisyal nga website.
Samtang, laing hugna sa 176 ka mga Filipino nga biktima sa human trafficking sa Myanmar gilauman usab nga moabot karong adlawa
