30 katao patay sa halapad nga pagbaha sa China

Miabot na sa 30 ang namatay, diin kapin sa 80,000 ka mga residente ang namakwit tungod sa kaylap nga pagbaha sa amihanang China.

Ang mga awtoridad nag-ingon nga walo ka mga tawo ang namatay sa pagdahili sa yuta sa Chende City.

Ang Eastern China nakasinati usab og heatwave.

Sa karun ang Presidente sa China nga si Xi Jinping nanawagan alang sa dinalian nga mga paningkamot sa pag-rescue ug gipasidan-an ang mga residente nga mag-andam alang sa mas peligroso nga kahimtang tungod sa insidente.